ایرانی مسلح افواج کے ترجمان بریگیڈیئر جنرل ابوالفضل شکارچی نے کہا ہے کہ ایران کے خلاف امریکا کی جارحانہ پالیسیاں خود واشنگٹن کے لیے مشکلات کا سبب بن رہی ہیں، امریکی حکومت کو اندرونی بحرانوں اور عالمی سطح پر ساکھ میں کمی کا سامنا ہے۔
تسنیم نیوز ایجنسی کے مطابق ابوالفضل شکارچی کا کہنا تھا کہ امریکی صدر ڈونلڈ ٹرمپ اور ان کے سیاسی اتحادیوں کو مسلسل سیاسی اور انتخابی ناکامیوں کا سامنا ہے، جو محض ملکی سیاست میں اتار چڑھاؤ نہیں بلکہ ایران کے قومی عزم کو شکست دینے میں امریکا کی ناکامی کا مظہر ہے۔