امریکی ریاست کیلیفورنیا کے جنوبی علاقے لیک ایلسینور میں 2 اسکائی ڈائیورز فضا میں آپس میں ٹکرا کر زمین پر گرنے سے ہلاک ہوگئیں۔
حکام کے مطابق یہ حادثہ صبح تقریباً 11 بج کر 45 منٹ پر اسکائی ڈائیونگ سینٹر ’اسکائی ڈائیو ایلسینور‘ کی فضائی حدود میں پیش آیا، جو لاس اینجلس سے تقریباً 60 میل جنوب مشرق میں واقع ہے۔
ریور سائیڈ کاؤنٹی شیرف آفس کو اس حادثے کی اطلاع موصول ہوئی، جس پر اہلکار جائے وقوع پر پہنچے، جہاں دونوں خواتین زمین پر شدید زخمی حالت میں موجود تھیں اور انہیں طبی امداد فراہم کی جا رہی تھی۔