World
24 گھنٹے کی ڈیوٹی نے روبوٹس کی کارکردگی کا پول کھول دیا، 6 میں سے 2 ناکام
چین میں 6 ہیومینائیڈ روبوٹس 24 گھنٹے تک شنگھائی کے ایک سپر اسٹور میں کام کرنے کے تجربے میں شریک ہوئے جن میں سے 4 روبوٹس نے تسلی بخش کارکردگی دکھائی جبکہ 2 اپنی ذمے داریاں پوری کرنے میں ناکام رہے۔
مصنف Naila Abbas62K بار پڑھا

چین میں 6 ہیومینائیڈ روبوٹس 24 گھنٹے تک شنگھائی کے ایک سپر اسٹور میں کام کرنے کے تجربے میں شریک ہوئے جن میں سے 4 روبوٹس نے تسلی بخش کارکردگی دکھائی جبکہ 2 اپنی ذمے داریاں پوری کرنے میں ناکام رہے۔
چینی کمپنی ایجی بوٹ کی جانب سے ’روبوٹس کبھی چھٹی نہیں کرتے‘ کے عنوان سے کیے گئے اس تجربے کا مقصد یہ جانچنا تھا کہ روبوٹس دن اور رات کے مختلف اوقات میں دکان کے معمول کے کام کتنی مہارت سے انجام دے سکتے ہیں۔
تجربے کے دوران 6 روبوٹس نے مجموعی طور پر 1,730 کام مکمل کیے جن میں 683 صارفین کا استقبال، 369 اشیاء نکالنے اور پہنچانے کے کام، 147 مرتبہ کافی کی تیاری، 126 گرم کھانوں کے آرڈرز، 277 شیلفس کی جانچ اور اشیاء دوبارہ رکھنے جبکہ 128 میزوں کی صفائی کے کام شامل تھے۔



