بھارتی ریاست پنجاب کے شہر امرتسر میں 27 سالہ نوجوان کو اس کے گھر کے باہر گولی مار کر قتل کر دیا گیا۔ واقعہ گلی میں کھڑی اسکوٹر کو راستے سے ہٹانے کے معاملے پر ہونے والے جھگڑے کے بعد پیش آیا۔
پولیس نے اسی محلے میں رہنے والے تین بھائیوں کے خلاف قتل کا مقدمہ درج کر لیا ہے۔ مقتول کے والد کے مطابق یہ تینوں بھائی ان کے بیٹے کے دوست تھے۔
مقتول کی شناخت امیت سبھروال کے نام سے ہوئی ہے، جو ایک نجی کمپنی میں مارکیٹنگ کے شعبے میں کام کرتا تھا۔ ملزمان کی شناخت ابھی شاہ، سنی شاہ اور ریتک شاہ کے طور پر کی گئی ہے۔