والد کی وفات پر میسی کا جذباتی پیغام، ریٹائرمنٹ کا عندیہ دے دیا
بیونس آئرس (اردو پوائنٹ تازہ ترین اخبار ۔ 12 اگست 2026ء ) ارجنٹائن کے اسٹار فٹبالر لیونل میسی کا کہنا ہے کہ والد کی موت کے بعد انہیں کیریئر کو جاری رکھنے کے بارے میں شکوک و شبہات ہیں۔ سٹار فٹبالر لیونل میسی کے والد جارج

بیونس آئرس (اردو پوائنٹ تازہ ترین اخبار ۔ 12 اگست 2026ء ) ارجنٹائن کے اسٹار فٹبالر لیونل میسی کا کہنا ہے کہ والد کی موت کے بعد انہیں کیریئر کو جاری رکھنے کے بارے میں شکوک و شبہات ہیں۔ سٹار فٹبالر لیونل میسی کے والد جارج میسی چند روز قبل طویل علالت کے بعد 68 سال کی عمر میں روزاریو میں انتقال کرگئے ،اب میسی کا والد کی موت کے بعد جذباتی پیغام سامنے آیا ہے۔ انہوں نے انسٹاگرام پر لکھا کہ میں نہیں جانتا کہ میں آپ کے بغیر کیا کرنے جا رہا ہوں، مجھے نہیں معلوم کہ آگے کیسے بڑھنا ہے۔ میں نے صرف فٹ بال کھیلا ہے اور اب مجھے اس بارے میں کافی شکوک و شبہات ہیں کہ کیا میں اسے زیادہ دیر تک جاری رکھوں گا۔ آپ شروع سے میرے ساتھ تھے، آپ تھوڑی دیر کیوں نہیں ٹھہر سکے تاکہ ہم مل کر اسے ختم کرسکیں۔ سٹار فٹبالر نے لکھا کہ آپ نے ہمیشہ مجھے آخری ورلڈ کپ میں کھیلنے کے لیے کہا تھا اور اس کے شروع ہونے سے کچھ دن پہلے جب آپ کی حالت خراب ہو گئی تھی، یہ پہلا موقع تھا کہ جب آپ کسی ٹورنامنٹ میں نہیں جارہے تھے جب بھی کوئی میچ ختم ہوتا میں آپ کا انتظار کرتا تھا۔ میں آپ کو بہت یاد کروں گا آپ ہمیشہ موجود رہیں گے خاص طور پر میرے بچوں کی پرورش میں کیونکہ میں انہیں سکھاؤں گا اور ان کی پرورش کروں گا جس طرح آپ نے مجھے پالا ہے۔



