اولمپک گولڈ میڈلسٹ جیولین تھروور ارشد ندیم نے بیرون ملک ٹریننگ کے باعث رواں ماہ ہونے والی لوزین ڈائمنڈ لیگ میں حصہ نہ لینے کا فیصلہ کیا ہے۔
ارشد ندیم ان دنوں پنجاب اسٹیڈیم لاہور میں بھرپور ٹریننگ کر رہے ہیں۔
ذرائع کے مطابق کامن ویلتھ گیمز کے بعد ارشد ندیم نے بیرون ملک ٹریننگ کا فیصلہ کیا ہے اور اب وہ مقابلے میں حصہ لینے کے بجائے اپنی تیاری پر توجہ دیں گے۔
ارشد ندیم کا نام 21 اگست کو ہونے والی لوزین ڈائمنڈ لیگ کی انٹری لسٹ میں شامل تھا تاہم اب وہ ایونٹ میں شرکت نہیں کریں گے اور جنوبی افریقہ کے شہر پوچفسٹروم میں ٹریننگ کریں گے۔