قومی اسپرنٹر شجر عباس ٹانگ میں سرجری کے ایک سال بعد مکمل فٹ ہو گئے ہیں، وہ ایشین گیمز 2026ء میں 200 میٹر دوڑ میں پاکستان کی نمائندگی کریں گے۔
شجر عباس گزشتہ برس اگست میں ٹانگ کی سرجری کے باعث مقابلوں سے باہر ہو گئے تھے تاہم اب وہ لاہور کے پنجاب اسٹیڈیم میں انفرادی طور پر بھرپور ٹریننگ کر رہے ہیں۔
شجر عباس کا کہنا ہے کہ کم بیک میں مجھے ایک سال لگا لیکن میں نے ہمت نہیں ہاری اور سرجری کے صرف 8 روز بعد ہی بحالی کی مشقیں شروع کر دی تھیں۔