ویسٹ انڈیز کے خلاف دوسرے ٹیسٹ میچ کے لیے پاکستانی ٹیم میں کی گئی تبدیلیوں پر کرکٹ کے حلقوں نے کپتان بابر اعظم اور سلیکشن بورڈ کو تنقید کا نشانہ بنایا ہے۔
پہلے ٹیسٹ میچ میں شکست کے بعد قومی ٹیم میں 4 تبدیلیاں کی گئیں لیکن سب سے زیادہ سوالات فاسٹ بولر محمد عباس کو ڈراپ کرنے پر اٹھائے گئے۔
محمد عباس نے ویسٹ انڈیز کے خلاف پہلے ٹیسٹ میچ میں مجموعی طور پر 8 وکٹیں حاصل کیں۔
اس حوالے سے بابر اعظم نے اپنے حالیہ انٹرویو میں وضاحت دیتے ہوئے کہا کہ محمد عباس مکمل فٹ ہیں، انہیں صرف پچ کی صورتِ حال کو مدِنظر رکھتے ہوئے آرام دیا گیا ہے۔