پاکستان تحریک انصاف (پی ٹی آئی) رہنما سردار لطیف کھوسہ نے کہا ہے کہ بانی پی ٹی آئی کا بلڈ پریشر اور آنکھ کا معاملہ ہے، بانی پی ٹی آئی کا بلڈ پریشر خوفناک حد تک ہے۔
بانی پی ٹی آئی سے ملاقات کے بعد صحافیوں سے غیر رسمی گفتگو کرتے ہوئے لطیف کھوسہ کا کہنا تھا کہ بانی پی ٹی آئی سے تین چار گھںٹے ملاقات ہوئی ہے، بانی پی ٹی آئی سے ملاقات کے دوران بشریٰ بی بی بھی موجود تھیں۔
انہوں نے بتایا کہ ملاقات میں بانی پی ٹی آئی کی صحت، مقدمات پر بات ہوئی ہے، کل ہم ملاقات کی تفصیل لکھیں گے یہ سب آپ کے سامنے آشکار ہوجائے گا۔