وفاقی وزیر قانون اعظم نذیر تارڑ نے کہا ہے کہ پاکستان میں تمام شہریوں کو برابری کے حقوق حاصل ہیں، پاکستان اقلیتوں کے حقوق کے تحفظ کے لیے پرعزم ہے۔ 
اسلام آباد میں کانفرنس سے خطاب کرتے ہوئے وزیر قانون اعظم نذیر تارڑ کا کہنا تھا کہ آئین پاکستان کے تحت تمام اقلیتوں کو مذہبی آزادی ہے، بین المذاہب ہم آہنگی کے لیے سب کو کردار ادا کرنا ہوگا۔
انھوں نے کہا معاشرے میں بہتری کیلئے باہمی احترام، انصاف کی فراہمی اور قانون کی حکمرانی ضروری ہے، قومی کمیشن برائے حقوقِ اقلیت ایکٹ 2025 اقلیتوں کے حقوق کے تحفظ اور مسائل کے حل کیلیے اہم ہے۔