وزیراعلیٰ سندھ سید مراد علی شاہ نے کہا ہے کہ صوبائی حکومت نے سیلاب متاثرین کےلیے 10 لاکھ گھروں کی تعمیر مکمل کرلی ہے۔
کراچی میں سندھ پیپلز ہاؤسنگ فار فلڈ ری ہیبلیٹیشن کے تحت 10 لاکھ گھروں کی تکمیل کی تقریب سے خطاب میں وزیراعلیٰ سندھ نے کہا کہ سیلاب متاثرین کےلیے 23 اضلاع میں 21 لاکھ موسمیاتی اثرات سے محفوظ گھر بنانے کا ہدف ہے۔
انہوں نے کہا کہ تعمیر شدہ ہر گھر جیو ٹیگڈ اور ڈیجیٹل مانیٹرنگ کے ساتھ تصدیق شدہ ہے، سندھ پیپلز ہاؤسنگ پروگرام کی سب سے بڑی کامیابی خواتین کی خودمختاری ہے۔