نسل در نسل سے غزہ کی سڑکیں، بازار، اسکول، اسپتال اور عوامی مقامات روزمرہ زندگی کا بھرپور منظر پیش کرتے رہے ہیں۔ لوگ کام کرتے، تعلیم حاصل کرتے، خریداری کرتے اور دوستوں اور اہل خانہ سے ملا کرتے تھے۔
غزہ کے بیشتر مقامات ہزاروں سال پرانے اور طویل تاریخی پس منظر کے حامل تھے۔ تین سال سے جاری اسرائیلی حملوں نے 80 فیصد غزہ ملبے کا ڈھیر کردیا اور غزہ کے تاریخی مقامات کو تباہ کردیا ہے۔
یونیسکو کے مطابق غزہ میں تاریخی اہمیت کی حامل 128 عمارتیں، 14 مذہبی مقامات، نو یادگاریں، آٹھ آثارِ قدیمہ کے مقامات، دو عجائب گھر اور ثقافتی اثاثوں کے تین ذخیرے تباہ ہوچکے ہیں۔