بھارت میں مبینہ ووٹ چوری کے خلاف احتجاج کے دوران کانگریس کی 2 خواتین رہنماؤں کے درمیان تلخ کلامی ہوئی جو ہاتھا پائی میں تبدیل ہو گئی، جس کی ویڈیو سوشل میڈیا پر وائرل ہو گئی۔
بھارتی میڈیا کی رپورٹس کے مطابق یہ واقعہ جمعرات کو ہریانہ کے شہر فرید آباد میں ایک احتجاجی مارچ کے دوران پیش آیا جس میں مظاہرین چیف الیکشن کمشنر گیانیش کمار کے استعفے کا مطالبہ کر رہے تھے۔
اس واقعے کی سوشل میڈیا پر وائرل ہونے والی ویڈیو میں کانگریس رہنما پراگ شرما اور گجنا لامبا کو ایک بینر کے ساتھ مارچ کرتے دیکھا جا سکتا ہے۔