بھارتی ریاست اترپردیش کے ضلع باغپت میں جم کے اندر دو گروپوں کے درمیان لڑائی کی ویڈیو سوشل میڈیا پر وائرل ہوگئی، جو جم سے باہر تک جا پہنچی۔
سوشل میڈیا پر زیر گردش ویڈیوز کے مطابق واقعہ باغپت کوتوالی کے علاقے اگروال منڈی ٹٹیری کے ایک جم میں پیش آیا، جہاں متعدد افراد ورزش کر رہے تھے کہ کسی نامعلوم معاملے پر دو گروپوں کے درمیان تلخ کلامی شروع ہوگئی۔
باتوں باتوں میں معاملہ ہاتھا پائی تک پہنچ گیا اور دونوں گروپوں کے افراد نے ایک دوسرے پر گھونسے اور لاتیں برسانا شروع کردیں۔ جم میں نصب سی سی ٹی وی کیمروں میں قید مناظر میں ورزش کا سامان موجود ہونے کے دوران متعدد افراد کو ایک دوسرے سے لڑتے دیکھا جاسکتا ہے، جبکہ کچھ افراد دونوں فریقوں کو چھڑوانے کی کوشش کرتے رہے۔