جرمنی کے خفیہ ادارے کے سربراہ مارٹن یاگر نے خبردار کیا ہے کہ روس کے ساتھ جرمنی کے براہِ راست مسلح تنازع میں الجھنے کا خطرہ بڑھ گیا ہے۔
مارٹن یاگر نے پارلیمانی سماعت میں کہا کہ روس کی جانب سے یورپی ممالک کے خلاف جارحانہ خفیہ کارروائیوں نے صورتِ حال کو مزید خطرناک بنا دیا ہے اور جرمنی کو روس اپنا اہم مخالف سمجھتا ہے۔
مارٹن یاگر کے مطابق روس کی کارروائیوں میں جرمنی کے شہر لائپزگ میں حملے کی کوشش بھی شامل ہے، جرمنی نے یہ محاذ آرائی شروع نہیں کی بلکہ روس اسے اس صورتِ حال کی طرف دھکیل رہا ہے۔