مائیکروسافٹ کے شریک بانی بل گیٹس نے تجویز دی ہے کہ مصنوعی ذہانت اور روبوٹس جب انسانوں کی جگہ کام کریں تو کمپنیوں سے اس خودکار کام پر بھی ملازمین کے برابر پے رول ٹیکس وصول کیا جانا چاہیے۔
امریکی اخبار کو دیے گئے ایک انٹرویو میں بل گیٹس نے کہا کہ حکومت کو کام کی ایک اجرت مقرر کر کے اس پر یکساں ٹیکس عائد کرنا چاہیے، چاہے وہ کام انسان کرے یا مشین۔
ان کے مطابق انسانی ملازمین سے وصول ہونے والے فیڈرل انشورنس کنٹری بیوشنز ایکٹ کے تحت ٹیکس کی طرح خودکار کام پر بھی ٹیکس لیا جا سکتا ہے جس سے سوشل سیکیورٹی اور میڈی کیئر جیسے سرکاری پروگراموں کے لیے آمدنی برقرار رہے گی۔