اسرائیل کے انتہائی دائیں بازو کے قومی سلامتی کے وزیر اتمار بن گویر نے کہا ہے کہ آنے والے انتخابات کے بعد اگر مجھے دفاع کی وزارت کا قلم دان سونپا گیا تو میں تمام فلسطینی قیدیوں کو موت کی سزا دلوانا یقینی بناؤں گا۔
عرب میڈیا کے مطابق اتمار بن گویر نے سوشل میڈیا پلیٹ فارم ایکس پر ایک ویڈیو جاری کی ہے جس میں وہ ایک فلسطینی قیدی کو براہِ راست قتل کی دھمکیاں دیتے نظر آ رہے ہیں۔
ویڈیو میں بن گویر کو قید خانے کے اندر قیدی حسن سلامہ سے یہ کہتے سنا جا سکتا ہے کہ ’میں تمہیں پھانسی دینا چاہتا ہوں۔‘