ایرانی صدر مسعود پزشکیان نے کہا ہے کہ امریکا اور اسرائیل نے مسلم ممالک کی فضائی حدود سے ایران پر حملہ کیا، ایران نے خطے میں امریکی اڈوں کو نشانہ بنایا کیونکہ وہاں سے ایران پر حملے ہوئے۔ 
عرب ٹی وی کو انٹرویو میں ایرانی صدر نے کہا کہ امریکا کا منصوبہ مسلم ممالک کو آپس میں لڑوا کر خطے کے وسائل پر قبضہ کرنا ہے، آبنائے ہرمز بند ہونے کا ذمہ دار امریکا ہے۔
انھوں نے کہا کہ جب ایران کے راستے بند کیے جائیں گے تو آبنائے ہرمز بند کرنا فطری عمل ہے، آبنائے ہرمز تنازع کا حل طاقت سے نہیں بات چیت سے ہی ممکن ہے۔