ایرانی فوج نے امریکی صدر ڈونلڈ ٹرمپ کی جانب سے ایران کو تباہ کرنے کی دھمکی پر ردِعمل کا اظہار کرتے ہوئے خبردار کیا ہے کہ ہم پہلے کی نسبت کہیں زیادہ تباہ کن جوابی حملے کرنے کے لیے تیار ہیں۔
ایرانی میڈیا کے مطابق ایران کے جنرل اسٹاف نے ایک بیان میں امریکی صدر پر الزام عائد کیا کہ انہوں نے اقوامِ متحدہ کی جنرل اسمبلی کے اجلاس سے خطاب کے دوران عالمی ادارے کے پلیٹ فارم کو جارحیت کا جواز پیش کرنے کے لیے استعمال کیا۔