ایران کے سلامتی امور کے عہدیدار محسن رضائی نے کہا ہے کہ امریکا پہلے ایران کی شرائط پر عمل کرے، اس کے بعد ہی مذاکرات ہو سکتے ہیں۔
عرب میڈیا کو دیے گئے انٹرویو کے دوران محسن رضائی نے کہا کہ قطر اور پاکستان کی حکومتیں ایران سے مسلسل مشاورت اور رابطوں میں ہیں، ایران نے اپنی شرائط سے دونوں ممالک اور امریکا کو آگاہ کردیا ہے اور اب امریکی ردِعمل کا انتظار ہے۔
انہوں نے کہا کہ ایران کی شرائط میں منجمد اثاثے جاری کرنا، تمام محاذوں پر جنگ ختم کرنا، ایران کے داخلی معاملات میں مداخلت سے باز رہنا، انقلاب مخالفین سے تعاون روکنا، ایرانی سرزمین پر کسی بھی جارحیت کا خاتمہ اور بحری ناکہ بندی اٹھانا شامل ہے۔