امریکی فوج نے دعویٰ کیا ہے کہ آبنائے ہرمز سے ہونے والی تجارت کا حجم گزشتہ چھ ماہ کی بلند ترین سطح پر آگیا ہے۔ 
امریکی سینٹرل کمانڈ سینٹکام نے کہا کہ پچھلے دو ہفتوں کے دوران آبنائے ہرمز سے گزرنے والے خام تیل، کارگو اور مائع قدرتی گیس کے حجم میں اضافہ ہوا ہے۔
کمانڈر ایڈمرل بریڈ کوپر نے کہا کہ امریکی فوج نے دو ماہ کے دوران آبنائے ہرمز سے ایک ارب بیرل سے زائد تیل کی نقل و حمل میں معاونت فراہم کی ہے۔