World
بھارت: باپ نے 5 سالہ بیٹی کو قتل کرکے لاش فریج میں رکھ کر خودکشی کرلی
بھارتی ریاست گجرات میں ایک شخص نے اپنی 5 سالہ بیٹی کو قتل کرنے کے بعد اس کی لاش کو فریج میں رکھ دیا اور خودکشی کر لی۔
مصنف Shaukat Pirzada41K بار پڑھا

بھارتی ریاست گجرات میں ایک شخص نے اپنی 5 سالہ بیٹی کو قتل کرنے کے بعد اس کی لاش کو فریج میں رکھ دیا اور خودکشی کر لی۔
پولیس کے مطابق کشور دھنک نامی شحص نے اپنے گھر میں مبینہ طور پر اپنی بیٹی ہیمانشی کا گلا گھونٹ کر اسے قتل کیا، اس کی لاش کو فریج میں رکھا اور پھر خود کو پھانسی لگا لی۔
پولیس کو ان اموات کا علم اس وقت ہوا جب دھنک کی اہلیہ منجو بین کا فون پر ان سے رابطہ نہ ہو سکا۔ وہ 14 ستمبر سے اپنے والد کے گھر گئی ہوئی تھی۔
منجو بین نے اپنے بھائی کو گھر جا کر دیکھنے کے لیے بھیجا۔ جب گھر سے کوئی جواب نہ ملا تو دروازہ توڑ کر اندر داخل ہونے پر دھنک کی لاش چھت کے پنکھے سے لٹکی ہوئی ملی۔



