امریکا نے نیویارک میں موجود ایرانی اقوامِ متحدہ مشن کے حکام اور ان کے ساتھ موجود دیگر افراد کے لگژری اشیاء کی خریداری کرنے پر پابندی برقرار رکھنے کا اعلان کر دیا۔
امریکی محکمۂ خارجہ کے ترجمان ٹومی پیگوٹ نے سوشل میڈیا پلیٹ فارم ’ایکس‘ پر اپنی پوسٹ میں لکھا ہے کہ امریکا ایرانی حکام کو اقوامِ متحدہ کی جنرل اسمبلی کے اجلاس میں شرکت کے لیے نیویارک میں قیام کے دوران لگژری اشیاء کی خریداری کرنے کی اجازت نہیں دے گا۔
انہوں نے نیویارک کے علاقے میں موجود ریٹیلرز کو بھی خبردار کیا ہے کہ وہ ان پابندیوں سے آگاہ رہیں اور ممنوعہ خریداری میں ایرانی وفد کی معاونت نہ کریں۔