ڈائریکٹر ہائی پرفارمنس پی سی بی عاقب جاوید کا کہنا ہے کہ انڈر 15 اور انڈر 17 کی سطح سے لیول ون کوچنگ کورس کرانے کی منصوبہ بندی کی جا رہی ہے، جبکہ سائیکالوجی پر کام کرنے کے ساتھ زبان کی رکاوٹ کو دور کرنے کے لیے لینگویج کورسز بھی کرائے جائیں گے۔
ڈائریکٹر ہائی پرفارمنس عاقب جاوید نے انڈر 17 اسکلز ڈیولپمنٹ کیمپ فیصل آباد کا دورہ کیا۔
اس موقع پر گفتگو کرتے ہو ئے انہوں نے کہا کہ پاکستان کرکٹ میں انڈر 15، انڈر 17، انڈر 19 اور فرسٹ کلاس پر مشتمل 4 درجوں کا نظام موجود ہے، نوجوان کھلاڑیوں کی تربیت صرف بیٹنگ اور بولنگ تک محدود نہیں ہونی چاہیے۔