چار مرتبہ کی عالمی چیمپئن پاکستان ہاکی ٹیم نے جنوبی افریقا کو شکست دیکر ایف آئی ایچ ہاکی ورلڈ کپ میں اپنے سفر کا اختتام 11ویں پوزیشن پر کیا ہے۔
پاکستان اورجنوبی افریقا کے درمیان میچ کا فیصلہ پنالٹی شوٹ آؤٹ پر ہوا، پاکستان ہاکی ٹیم نے ورلڈ کپ میں 6 میچز کھیلے 2 میچ میں کامیابی حاصل کی، 3 میچز میں شکست ہوئی ایک میچ ڈرا ہوا۔
ایمسٹلوین میں پاکستان اور جنوبی افریقا کے درمیان 11ویں پوزیشن کا میچ کھیلا گیا، جنوبی افریقا نے پہلے کوارٹر میں گول کرکے برتری لی۔