پاکستان کی ٹیسٹ کرکٹ ٹیم کے کپتان بابر اعظم نے کہا ہے کہ پہلی اننگز میں سری لنکا کو 92 رنز پر آؤٹ کرنا ہمارے لیے ٹرننگ پوائنٹ تھا۔
راولپنڈی کرکٹ اسٹیڈیم میں پریس کانفرنس کرتے ہوئے انہوں نے کہا ہے کہ انگلینڈ کی سیریز کے بعد نئی ٹیم کو موقع دینے کا فیصلہ کیا تھا، نوجوان کھلاڑیوں نے ملنے والے مواقع سے بھرپور فائدہ اٹھایا اور نوجوان کھلاڑیوں کو مسلسل مواقع دینا چاہتے ہیں۔
پاکستانی کپتان کا کہنا ہے کہ نوجوان کھلاڑیوں کی بیٹنگ بولنگ دونوں میں مختلف انداز سے اچھی کارکردگیاں سامنے آئی ہیں۔