بھارت اور پاناما کے درمیان دوستانہ فٹبال میچ ڈرا ہونے کے بعد پاناما کے ہیڈ کوچ تھامس کرسچینسن نے بنگلورو کے شدید ٹریفک اور ناقص سفری انتظامات کو اپنی ٹیم کی تیاریوں میں رکاوٹ قرار دے دیا۔
تھامس کرسچینسن کا کہنا ہے کہ کھلاڑیوں کو میچ کے روز ہوٹل سے اسٹیڈیم پہنچنے میں تقریباً 2 گھنٹے لگے، جس کے باعث ٹیم کی تیاری متاثر ہوئی۔
انہوں نے کہا کہ میں ٹریفک کو میچ کے دوران ٹیم کی کارکردگی اچھی نہ ہونے کا بہانہ نہیں بنانا چاہتا، لیکن کھلاڑیوں کے لیے میچ سے قبل اتنا طویل وقت بس میں گزارنا آسان نہیں تھا۔