فاطمہ ثناء اس وقت بابر اعظم سے بڑی سٹار ہیں : محمد وسیم
لاہور (اردو پوائنٹ تازہ ترین اخبار ۔ 25 ستمبر 2026ء ) سابق کرکٹر و چیف سلیکٹر محمد وسیم کا کہنا ہے کہ ویمن ٹیم کی کپتان فاطمہ ثنا، بابر اعظم سے بڑی سٹار ہیں۔ سابق چیف سلیکٹر محمد وسیم نے دعویٰ کیا ہے کہ قومی خواتین کرکٹ

لاہور (اردو پوائنٹ تازہ ترین اخبار ۔ 25 ستمبر 2026ء ) سابق کرکٹر و چیف سلیکٹر محمد وسیم کا کہنا ہے کہ ویمن ٹیم کی کپتان فاطمہ ثنا، بابر اعظم سے بڑی سٹار ہیں۔ سابق چیف سلیکٹر محمد وسیم نے دعویٰ کیا ہے کہ قومی خواتین کرکٹ ٹیم کی کپتان فاطمہ ثنا مقبولیت کے معاملے میں ٹیسٹ ٹیم کے کپتان بابر اعظم سے بھی آگے ہیں اور یہ مقبولیت انہوں نے اپنی مستقل مزاج کارکردگی سے حاصل کی ہے۔ وسیم نے کہا کہ انہیں اس سٹار آل راؤنڈر پر فخر ہے لیکن ساتھ ہی اس بات کا افسوس بھی ہے کہ گیند اور بلے دونوں سے مستقل اچھی کارکردگی دکھانے کے باوجود وہ اکثر ہارنے والی ٹیم کا حصہ ہوتی ہیں۔ انہوں نے ایک ٹی وی شو میں اپنی شرکت کا بھی ذکر کیا جس میں ایک اینکر نے پوچھا کہ کیا فاطمہ اس وقت ملک کی مقبول ترین کرکٹر ہیں؟ محمد وسیم نے اس بات کی تائید کرتے ہوئے کہا کہ وہ اس بیان کو جھٹلا نہیں سکتے کیونکہ مقبولیت کارکردگی سے ہی حاصل ہوتی ہے۔ سابق ٹیسٹ کرکٹر نے فاطمہ اور مرد قومی کرکٹرز کے درمیان موازنہ بھی کیا اور اس بات کی تصدیق کی کہ 24 سالہ کھلاڑی واقعی ملک کی سپر سٹار ہیں۔ انہوں نے کہا کہ مقبولیت کارکردگی سے حاصل ہوتی ہے، وہ بیٹنگ اور بولنگ دونوں کر رہی ہیں اور اب ہم لڑکوں اور لڑکیوں کی مجموعی طور پر بات کر رہے ہیں تو اس وقت اگر آپ بین الاقوامی میڈیا کو بھی دیکھیں تو وہ ہمیشہ فاطمہ ثنا کی تعریف کرتے ہیں حالانکہ وہ اکثر ہارنے والی ٹیم کا حصہ ہوتی ہیں لہٰذا میرا خیال ہے کہ مردوں کی ٹیم میں موجود دیگر کرکٹ سٹارز کا ذکر اس طرح تعریف کے ساتھ نہیں کیا جاتا جیسے ان کا کیا جاتا ہے اور ظاہر ہے کہ ان کی کارکردگی اتنی اچھی نہیں ہے تو ہم کہہ سکتے ہیں کہ وہ واقعی اس وقت ہماری سپر سٹار ہیں۔ اس گفتگو میں شامل تجزیہ کار ڈاکٹر نعمان نیاز نے پھر محمد وسیم سے پوچھا کہ کارکردگی کے لحاظ سے مرد کرکٹرز میں فاطمہ کا موازنہ کس سے کیا جا سکتا ہے اور خاص طور پر ٹیسٹ کپتان اور سٹار بیٹر بابر اعظم کا ذکر کیا جس پر وسیم نے فوراً جواب دیا کہ خواتین ٹیم کی کپتان (بابر سے) کافی آگے ہیں۔ M Wasim “People don’t like it, but I don’t rate Babar Azam as a superstar in Test cricket to the extent that we should compare him with someone like Younis or Yousuf.It won’t be easy, but I hope he can step up now, show some courage, and score a gutsy 100–150 at Edgbaston.”🙃 https://t.co/XHfxJ1lhPi pic.twitter.com/94W7HTavji— Pavilion Post (@CricinsightsX) September 4, 2026



