پاکستانی شوبز کے معروف اداکار وسیم عباس نے سینئر اداکار فردوس جمال کی اداکاری پر اپنی رائے کا اظہار کرتے ہوئے انہیں اداکاری کے معاملے میں قوی خان سے کمتر قرار دے دیا۔
وسیم عباس حال ہی میں ایک شو میں شریک ہوئے، جہاں انہوں نے شوبز سے متعلق مختلف موضوعات پر گفتگو کی، ایک سیگمنٹ کے دوران ان سے فردوس جمال کی اداکاری کے بارے میں بھی سوال کیا گیا۔
وسیم عباس نے فردوس جمال کا موازنہ لیجنڈری اداکار قوی خان سے کرتے ہوئے کہا کہ اگر مجھے دونوں میں سے بہتر اداکار کا انتخاب کرنا ہو تو میں قوی خان کو منتخب کروں گا۔