پاکستانی ڈرامہ انڈسٹری کی سینئر اور معروف اداکارہ شگفتہ اعجاز نے یوٹیوب پر آنے کی وجہ بتاتے ہوئے کہا ہے کہ مجھے اس پلیٹ فارم سے جڑنے کا خیال اپنے داماد علی حمزہ بلوچ سے ملا۔
شگفتہ اعجاز نے اپنے کیریئر کا آغاز پاکستان ٹیلی وژن سے کیا تھا اور وہ کئی دہائیوں سے شوبز انڈسٹری کا حصہ ہیں، اداکاری کے ساتھ ساتھ انہوں نے سوشل میڈیا پر بھی اپنی ایک منفرد پہچان بنائی ہے، جہاں وہ اپنی فیملی، روزمرہ زندگی اور کام سے متعلق ویڈیوز شیئر کرتی ہیں۔
حال ہی میں شگفتہ اعجاز نے ایک پروگرام میں شرکت کی، جہاں انہوں نے یوٹیوبر بننے کی وجہ کے بارے میں گفتگو کی۔