بالی ووڈ اداکار سنجے دت نے اپنی زندگی کے ایک انتہائی تکلیف دہ باب کو یاد کرتے ہوئے والدہ نرگس دت کی کینسر کے باعث موت کے بارے میں تفصیل سے گفتگو کی ہے۔
67 سالہ اداکار نے 1981ء میں فلم روکی سے اپنے فلمی کیریئر کا آغاز کیا تھا، حالیہ گفتگو کے دوران انہوں نے اپنی والدہ نرگس دت کی لبلبے کے کینسر سے جنگ اور ان کے آخری ایام کو یاد کیا ہے۔
ایک یوٹیوب چینل پر گفتگو کرتے ہوئے سنجے دت نے بتایا کہ میرے والد سنیل دت نے مجھے اس وقت اپنی پہلی فلم کی شوٹنگ مکمل کرنے کے لیے واپس بھیج دیا تھا جب میری والدہ کوما میں تھیں۔