بھارتی ٹینس کی سابق چیمپئن ثانیہ مرزا اور بالی ووڈ کی معروف کوریوگرافر اور فلمساز فرح خان کی دوستی دوسروں کے لیے ایک مثال ہے۔ بے تکلف گفتگو سے لے کر ایک دوسرے کے ساتھ ہنسی مذاق تک، دونوں کے درمیان بہنوں جیسا بے مثال رشتہ ہے۔
اب ان کی دوستی ایک بار پھر خبروں کی زینت بن گئی ہے، جب ثانیہ مرزا نے انکشاف کیا کہ فرح خان نے ان کے بیٹے اذہان مرزا ملک کی پیدائش کے وقت ہی وعدہ کیا تھا کہ جب وہ بڑا ہوگا تو اسے بالی ووڈ میں متعارف کرائیں گی۔