Entertainment
زینب راجہ کا فہد شیخ پر ساتھی فنکاروں کو غیر آرام دہ محسوس کرانے کا الزام
اداکارہ زینب راجہ نے اداکار فہد شیخ کے رویے پر تنقید کرتے ہوئے کہا کہ وہ مذاق کے نام پر اکثر ساتھی فنکاروں کو غیر آرام دہ صورتِ حال میں مبتلا کرتے تھے۔
مصنف Rubab Shakeel43K بار پڑھا

اداکارہ زینب راجہ نے اداکار فہد شیخ کے رویے پر تنقید کرتے ہوئے کہا کہ وہ مذاق کے نام پر اکثر ساتھی فنکاروں کو غیر آرام دہ صورتِ حال میں مبتلا کرتے تھے۔
زینب راجہ کا ایک تبصرہ سوشل میڈیا پر وائرل ہو رہا ہے، جس میں انہوں نے ایک ڈرامے میں فہد شیخ کے ساتھ کام کرنے کا تجربہ بیان کیا۔
انہوں نے لکھا کہ میں نے ان کے ساتھ کام کیا ہے، وہ مذاق کے نام پر لوگوں کو غیر آرام دہ محسوس کرواتے تھے۔
زینب راجہ نے سینئر اداکار اور مصنف سید محمد احمد سے متعلق حالیہ تنازع پر بھی افسوس کا اظہار کرتے ہوئے لکھا کہ محمد احمد صاحب کے ساتھ جو کیا گیا وہ دل توڑ دینے والا اور شرمناک ہے، میں سوچ بھی نہیں سکتی کہ کوئی ہمارے والدین کے ساتھ ایسا کرے، اتنے پیارے انسان کے ساتھ کوئی ایسا کیسے کر سکتا ہے؟
فہد شیخ کی محمد احمد سے بدسلوکی کی تردید، معافی بھی مانگ لی 


