بالی ووڈ اداکارہ گوہر خان نے ممبئی کے علاقے ورسووا میں اپنا ڈوپلیکس فلیٹ 6 کروڑ 1 لاکھ روپے میں فروخت کردیا۔ 
واضح رہے کہ 43 سالہ اداکارہ نے 2014 میں یہ فلیٹ 3 کروڑ 20 لاکھ روپے میں خریدا تھا۔ اس طرح جائیداد کی قیمت میں تقریباً 88 فیصد اضافہ ریکارڈ کیا گیا۔
بھارتی میڈیا کی رپورٹ کے مطابق اس اپارٹمنٹ کا بلٹ اپ ایریا 2,340 مربع فٹ ہے۔ دستاویزات میں اس سودے کے ساتھ کسی کار پارکنگ کا ذکر نہیں کیا گیا۔ جائیداد کے خریداروں نے 36 لاکھ 6 ہزار روپے اسٹامپ ڈیوٹی ادا کی۔