Entertainment
امریکی اداکار کیگن ایلن کو ڈاکوؤں نے لوٹ کر زخمی کر دیا
ہالی ووڈ اداکار کیگن ایلن کو گزشتہ روز مغربی ہالی ووڈ کے علاقے میں ایک گروسری اسٹور کے باہر گن پوائنٹ پر لوٹ لیا گیا، ڈاکوئوں نے انہیں تشدد کا نشانہ بھی بنایا۔
مصنف Shaukat Pirzada90K بار پڑھا

ہالی ووڈ اداکار کیگن ایلن کو گزشتہ روز مغربی ہالی ووڈ کے علاقے میں ایک گروسری اسٹور کے باہر گن پوائنٹ پر لوٹ لیا گیا، ڈاکوئوں نے انہیں تشدد کا نشانہ بھی بنایا۔
اس واقعہ کے بعد 37 سالہ اداکار کا کہنا ہے کہ ویسٹ ہالی ووڈ اب محفوظ علاقہ نہیں رہا۔
ایک ڈاکو نے کیگن ایلن کے سر پر پستول کے دستے سے کئی بار وار کیے، جبکہ دوسرے نے انھیں چاقو کی نوک پر یرغمال بنائے رکھا۔
معروف امریکن ٹی وی ڈرامہ سیریز پریٹی لٹل لائرز کے اسٹار نے جمعرات کی شب پیش آنے والے اس افسوس ناک واقعے کی تفصیلات بتاتے ہوئے انسٹاگرام پر اپنی ویڈیو شیئر کی، جس میں انہوں نے بتایا کہ انہیں گن پوائنٹ پر لوٹا گیا اور تشدد کا نشانہ بنایا گیا۔ واقعے کے بعد کیگن ایلن نے انسٹاگرام پر اپنے خون آلود چہرے کی ویڈیو شیئر کی۔



