Entertainment
سلمان خان نے حکومت کے خلاف احتجاج کرنیوالے طلبہ کی حمایت کردی
بالی ووڈ کے اداکار سلمان خان نے امتحانی پرچوں کے لیک ہونے کے خلاف طلبہ کی احتجاجی تحریک کی حمایت کرتے ہوئے کہا ہے کہ انہیں افسوس ہے کہ ایک پُرامن تحریک نے پُرتشدد رُخ اختیار کر لیا۔
مصنف fahad143K بار پڑھا

بالی ووڈ کے اداکار سلمان خان نے امتحانی پرچوں کے لیک ہونے کے خلاف طلبہ کی احتجاجی تحریک کی حمایت کرتے ہوئے کہا ہے کہ انہیں افسوس ہے کہ ایک پُرامن تحریک نے پُرتشدد رُخ اختیار کر لیا۔
سلمان خان نے سوشل میڈیا پلیٹ فارم ایکس پر اپنے بیان میں کہا کہ ان کا دل ان طلبہ اور ان کے اہل خانہ کے ساتھ ہے جو احتجاج کے دوران زخمی ہوئے۔ پیپر لیک ایک انتہائی سنگین مسئلہ ہے اور یہ دیکھ کر خوشی ہوئی کہ ملک کے طلبہ بہتر تعلیمی نظام کے لیے متحد ہوئے جبکہ ان کے والدین نے بھی ان کا ساتھ دیا۔
بالی ووڈ اداکار نے طلبہ کے عزم کو سراہتے ہوئے کہا کہ یہ نوجوان محنت کرکے اپنا مستقبل اور ایک تعلیم یافتہ بھارت بنانا چاہتے ہیں۔ طلبہ کا یہ احتجاج پُرامن تھا اور انہوں نے نہایت ہمت اور ذمہ داری کا مظاہرہ کیا، یہی نسل مستقبل میں بھارت کا نام روشن کرے گی۔



