پاکستانی اداکارہ اور ماڈل روما مائیکل نے اداکار شان بیگ کے ساتھ شادی کر لی، دونوں نے اس خوشخبری کا اعلان سوشل میڈیا کے ذریعے کیا ہے۔
شان بیگ نے اپنے انسٹاگرام اکاؤنٹ پر روما مائیکل کے ہمراہ ایک تصویر شیئر کی ہے، جس پر وائفی کا اسٹیکر بھی موجود تھا۔
بعد ازاں روما مائیکل نے بھی اسی تصویر کو اپنی انسٹاگرام اسٹوری پر ری پوسٹ کر کے شادی کی تصدیق کی۔
شادی کی خبر سامنے آتے ہی مداحوں اور شوبز شخصیات کی جانب سے دونوں کو مبارکباد دینے کا سلسلہ شروع ہو گیا، جن میں سے کئی پیغامات روما مائیکل نے اپنی انسٹاگرام اسٹوریز پر بھی شیئر کیے۔