سابق امریکی سفیر ڈگلس سلیمان نے کہا ہے کہ ایران کے خلاف جنگ میں واضح حکمتِ عملی نہ ہونے کے باعث امریکا کے جنگی مقاصد بار بار تبدیل ہو رہے ہیں۔
عرب میڈیا سے گفتگو کرتے ہوئے عراق اور کویت میں سابق امریکی سفیر ڈگلس سلیمان نے کہا کہ امریکی صدر ڈونلڈ ٹرمپ نے جنگ شروع کرتے وقت تہران میں ایرانی حکومت کے خاتمے کے علاوہ کوئی واضح مقصد طے نہیں کیا تھا۔
ان کا کہنا ہے کہ ایرانی حکومت کا خاتمہ نہیں ہو سکا تو ٹرمپ نے آنے والے ہفتوں میں مزید 5 یا 6 مقاصد پیش کیے تاہم اب یہ مقاصد ایک بار پھر تبدیل ہو گئے ہیں۔