امریکی نائب صدر جے ڈی وینس کی اہلیہ اور سیکنڈ لیڈی اوشا وینس نے انکشاف کیا ہے کہ میں شوہر کو سیاسی معاملات میں کھل کر اور بے لاگ مشورے دیتی ہوں اور مشکل فیصلوں کے دوران ان کی قابلِ اعتماد مشیر کا کردار ادا کرتی ہوں۔
اوشا وینس کے مطابق میں جے ڈی وینس کے پالیسی معاملات میں براہِ راست مداخلت کے بجائے انہیں جذباتی تعاون فراہم کرتی ہوں اور مشکل حالات میں حقیقت پسندانہ رائے دیتی ہوں۔
اوشا وینس نے بتایا کہ شوہر کو دیے گئے میرے یادگار مشوروں میں سے ایک سوشل میڈیا پر گفتگو کے انداز سے متعلق تھا، سیاسی مہم کے دوران میں نے جے ڈی وینس کو مشورہ دیا کہ وہ سوشل میڈیا پر لوگوں سے غیر ضروری تنازعات سے بچنے کے لیے نرم لہجہ اختیار کریں۔