امریکی صدر ڈونلڈ ٹرمپ نے کہا ہے کہ ایران کے دوبارہ مذاکرات کی میز پر واپس آنے کے لیے امریکا نے کوئی وقت مقرر نہیں کیا، ہمیں تہران کے ساتھ مذاکرات کے حوالے سے کسی قسم کی جلدی نہیں۔
عرب میڈیا سے گفتگو کرتے ہوئے ڈونلڈ ٹرمپ نے کہا ہے کہ ایران کو مذاکرات میں واپسی کے لیے کوئی ڈیڈ لائن نہیں دی گئی، میں کسی جلدی میں نہیں ہوں، میرا کوئی وقت مقرر نہیں۔
ٹرمپ کا کہنا ہے کہ امریکا بہت بڑی کامیابی حاصل کر رہا ہے جبکہ ایران میں مہنگائی میں اضافہ ہو رہا ہے، معیشت مشکلات کا شکار ہے اور حکومت اپنے عوام کے ساتھ اچھا سلوک نہیں کر رہی۔