World
اٹلی: گائرو کاپٹر کیبل کار کے تار سے ٹکرا کر تباہ، 2 افراد ہلاک
اٹلی کے شمالی علاقے میں گائرو کاپٹر کیبل کار کے تار سے ٹکرا کر تباہ ہو گیا، حادثے میں 2 افراد ہلاک ہو گئے۔
مصنف Hassan Shabbar33K بار پڑھا

اٹلی کے شمالی علاقے میں گائرو کاپٹر کیبل کار کے تار سے ٹکرا کر تباہ ہو گیا، حادثے میں 2 افراد ہلاک ہو گئے۔
غیر ملکی میڈیا کے مطابق اس حادثے کی ویڈیو سوشل میڈیا پر بھی سامنے آئی ہے، حادثہ بدھ کو مقامی وقت کے مطابق صبح 11.30 بجے پیش آیا تھا۔
اٹلی کا شمالی علاقہ پیڈمونٹ جھیل اور پہاڑوں کی وجہ سے سیاحتی لحاظ سے بہت مشہور ہے۔
میڈیا رپورٹس کے مطابق گائرو کاپٹر میں سوار دونوں افراد موقع پر ہی ہلاک ہو گئے جن کی شناخت 62 سالہ الیسانڈرو اینجلو مسینیلی اور 63 سالہ انتونیلا پاگلیرانی کے ناموں سے ہوئی ہے۔



