World
دشمن جوابی کارروائی کیلئے تیار رہے: ایرانی وزیرِ معیشت کی امریکا کو دھمکی
ایرانی وزیرِ معیشت علی مدنی زادہ نے امریکا کی جانب سے اقتصادی پابندیوں میں مزید توسیع کو مسترد کرتے ہوئے کہا ہے کہ تہران امریکی پابندیوں سے نمٹنے کے لیے مکمل طور پر تیار ہے۔
مصنف Naila Abbas87K بار پڑھا

ایرانی وزیرِ معیشت علی مدنی زادہ نے امریکا کی جانب سے اقتصادی پابندیوں میں مزید توسیع کو مسترد کرتے ہوئے کہا ہے کہ تہران امریکی پابندیوں سے نمٹنے کے لیے مکمل طور پر تیار ہے۔
جاری کیے گئے بیان میں علی مدنی زادہ کا کہنا ہے کہ دشمن ایران کے خلاف اقتصادی حملہ کرنا چاہتے ہیں لیکن ایران کے پاس بھی اپنے وسائل موجود ہیں اور ایران اس جنگ سے نمٹنے کا طریقہ جانتا ہے، ایران کے خلاف اقتصادی پابندیاں کوئی نئی بات نہیں، جنگ نہیں چاہتے لیکن اقتصادی حملے کا مقابلہ کریں گے۔
ایرانی وزیرِ اقتصادی امور و خزانہ کا کہنا ہے کہ دوسرا فریق کئی برسوں سے ملک کی اقتصادی شریانوں کو کاٹنے کی کوشش کر رہا ہے لیکن اب تک وہ اس مقصد کے حصول میں ناکام رہا ہے، امریکیوں نے گزشتہ عرصے کے دوران ایرانی عوام اور حکام کے عزم کو آزمانے کی بہت کوشش کی اور ہر بار ناکام ہوئے، بظاہر وہ ایک بار پھر اسی شکست کا تجربہ کرنا چاہتے ہیں۔
ٹرمپ اور قالیباف کے درمیان لفظی جنگ
امریکا کا ایران پر نئی پابندیوں کا اعلان، تاریخ کی سخت ترین پابندیاں ہوں گی، امریکی وزیر خزانہ
ایرانی پارلیمنٹ کی آبنائے ہرمز استعمال کرنیوالے بحری جہازوں پر فیس عائد کرنے کی منظوری


