World
منشیات اسمگلنگ، سابق بھارتی ایئر ہوسٹس گرفتار
سابق بھارتی ایئر ہوسٹس اور اس کے مبینہ ساتھی کو ریاست گجرات سے ممبئی منشیات اسمگل کرنے کی کوشش کے الزام میں گرفتار کر لیا گیا، پولیس کا کہنا ہے کہ ملزمان سے 30 لاکھ روپے مالیت کی تقریباً 977 گرام ایم ڈی (میفڈرون منشیات)
مصنف Naila Abbas87K بار پڑھا

سابق بھارتی ایئر ہوسٹس اور اس کے مبینہ ساتھی کو ریاست گجرات سے ممبئی منشیات اسمگل کرنے کی کوشش کے الزام میں گرفتار کر لیا گیا، پولیس کا کہنا ہے کہ ملزمان سے 30 لاکھ روپے مالیت کی تقریباً 977 گرام ایم ڈی (میفڈرون منشیات) برآمد ہوئی ہے۔
بھارتی میڈیا کے مطابق کرائم برانچ کو پیر کے روز اطلاع ملی تھی کہ ایک گاڑی کے ذریعے وڈودرا سے ممبئی بڑی مقدار میں منشیات منتقل کی جا رہی ہے، اطلاع پر پولیس نے دہلی ممبئی ایکسپریس وے پر ٹول پوسٹ کے قریب مشتبہ گاڑی کو روک کر تلاشی لی۔
گاڑی میں سابق 41 سالہ ایئر ہوسٹس اور اس کا 20 سالہ ساتھی موجود تھا، تلاشی کے دوران منشیات کے علاوہ متعدد موبائل فونز، پلاسٹک کی تھیلیاں اور منشیات پیک کرنے کے لیے استعمال ہونے والے ڈبے بھی برآمد ہوئے۔
منشیات کی اسمگلنگ کا الزام، شاہد کپور کے ساتھی اداکار ممبئی میں گرفتار


