بھارتی شہر الہٰ آباد کی ہائی کورٹ نے ایک نجی اسکول کی طالبہ کی درخواست مسترد کر دی جس میں اسکول انتظامیہ کو یونیفارم کے ساتھ حجاب پہننے کی اجازت دینے کی ہدایت دینے کی استدعا کی گئی تھی۔
بھارتی میڈیا کے مطابق 2 رکنی بینچ نے پریاگ راج کے ایک نجی اسکول کی طالبہ کی درخواست پر فیصلے میں قرار دیا ہے کہ تعلیمی ادارے کے مقرر کردہ یونیفارم میں ذاتی پسند کے مطابق تبدیلی کا طالب علم کو قانونی حق حاصل نہیں۔
بھارتی میڈیا کے مطابق نابالغ طالبہ نے اپنی والدہ کے ذریعے درخواست دائر کی تھی، مذکورہ طالبہ نے دسویں جماعت پاس کی ہے اور اسی اسکول میں گیارہویں جماعت میں داخلہ لینا چاہتی ہے۔