امریکی وزیرِ توانائی کرس رائٹ نے دعویٰ کیا ہے کہ امریکی بحریہ کی مدد سے آبنائے ہرمز میں تیل کی ترسیل کا سلسلہ جاری ہے۔
کرس رائٹ نے مائیکرو بلاگنگ ویب سائٹ ایکس پر اپنے ایک بیان میں کہا ہے کہ منگل کے روز آبنائے ہرمز سے 15 ملین بیرل سے زائد تیل اور دیگر مصنوعات منتقل کی گئیں۔
ان کا کہنا ہے کہ پائپ لائنز کے ذریعے ہونے والی ترسیل کو شامل کیا جائے تو خطے سے مجموعی طور پر تقریباً 20 ملین بیرل تیل باہر منتقل ہوا۔
امریکی وزیرِ توانائی نے کہا ہے کہ آبنائے ہرمز سے تیل کی گزشتہ 7 روز کی اوسط ترسیل اب یومیہ 8 ملین بیرل سے تجاوز کر گئی ہے۔