امریکی صدر ڈونلڈ ٹرمپ کی جانب سے جنوبی کوریا کے ساتھ مشترکہ فوجی مشقیں نمایاں طور پر محدود کرنے کے حکم نے سیؤل میں امریکا کی سیکیورٹی ضمانتوں پر نئے خدشات پیدا کر دیے جبکہ ایران جنگ کے معاملے پر جنوبی کوریا کی پالیسی پر بھی بحث تیز ہو گئی ہے۔
ٹرمپ نے سماجی رابطے کی ویب سائٹ پر اچانک اعلان کیا ہے کہ پینٹاگون جنوبی کوریا کے ساتھ سالانہ مشترکہ فوجی مشقیں کم کرے۔
انہوں نے ان مشقوں کو شمالی کوریا کے لیے نامناسب اور جارحانہ پیغام قرار دیا اور جنوبی کوریا کو ایران کے خلاف امریکا اور اسرائیل کی جنگ میں شامل نہ ہونے پر بھی تنقید کا نشانہ بنایا۔