ایرانی مسلح افواج کے چیف آف اسٹاف لیفٹیننٹ جنرل علی عبداللہی کا کہنا ہے کہ امریکا کو ایران پر حملوں کے لیے سرزمین دینے والے ممالک کو بھاری قیمت چکانا پڑے گی۔
ایک بیان میں علی عبداللہی نے  کہا ہے کہ امریکی فوج کو کسی بھی قسم کی سہولت فراہم کرنا ایران کے خلاف جنگ میں شرکت کے مترادف سمجھا جائے گا۔
ایرانی لیفٹیننٹ جنرل کا کہنا ہے کہ امریکا کو اپنی سرزمین سے ایران پر حملوں کی اجازت دینے والے ممالک کو معلوم ہونا چاہیے کہ ایران سے کوئی چیز پوشیدہ نہیں رہتی۔