اماراتی صدر کے مشیر ڈاکٹر انور قرقاش نے کہا ہے کہ ایران کو نہ مالی امداد دی، نہ کسی گروپ اور ملک کے ویزے منسوخ کیے۔ 
ابوظبی سے جاری بیان میں ڈاکٹر انور قرقاش نے کہا کہ ایران کو مالی سہولت دینے کی خبریں بے بنیاد ہیں، متحدہ عرب امارات کے خلاف جھوٹے دعوے کیے جا رہے ہیں۔
اماراتی صدر کے مشیر انور قرقاش نے سوشل میڈیا پلیٹ فارم ایکس پر اپنے بیان میں مزید کہا کہ بعض افراد کے اماراتی ویزے منسوخ کرنے کی خبریں بھی غلط ہیں، افواہوں کے بجائے زمینی حقائق اور اقدامات اہم ہیں۔