World
جنوبی کوریا میں بچوں کے امتحان کے لیے پروازیں معطل
دنیا بھر میں طلبہ امتحانات کے دوران ٹریفک کے شور اور دیگر رکاوٹوں کی شکایت کرتے نظر آتے ہیں لیکن جنوبی کوریا میں نوجوانوں کے مستقبل کے ایک امتحان کی خاطر پورے ملک کا پہیہ روک دیا گیا۔
مصنف افضل ندیم ڈوگر74K بار پڑھا

دنیا بھر میں طلبہ امتحانات کے دوران ٹریفک کے شور اور دیگر رکاوٹوں کی شکایت کرتے نظر آتے ہیں لیکن جنوبی کوریا میں نوجوانوں کے مستقبل کے ایک امتحان کی خاطر پورے ملک کا پہیہ روک دیا گیا۔
جنوبی کوریا کے سالانہ یونیورسٹی انٹری ٹیسٹ ’’سوننگ‘‘ کے دوران ایک ایسا ہی حیران کن منظر دیکھنے میں آیا جب 35 منٹ کیلئے ملک بھر کی فضائی ٹریفک معطل کردی گئی۔ انگریزی کے ٹیسٹ کے لیے آسمان خالی کرا لیا گیا۔
امتحان کے دوران دوپہر 1:05 بجے سے 1:40 بجے تک انگریزی سننے کی صلاحیت کا پیپر لیا گیا۔ چونکہ اس ٹیسٹ میں اسپیکر کے ذریعے چلائی جانے والی آڈیو سن کر سوالات حل کرنے ہوتے ہیں اس لیے حکومت نے حکم جاری کیا کہ اس دوران کوئی بھی ہوائی جہاز زمین کے قریب پرواز نہ کرے تاکہ انجن کے شور سے طلبہ کی توجہ متاثر نہ ہو۔



