فرانس کے شمال مشرقی علاقے میں تربیتی پرواز کے دوران میراج 2000 ڈی جنگی طیارہ گر کر تباہ ہو گیا، جس کے نتیجے میں عملے کا 1 رکن ہلاک ہو گیا، جبکہ دوسرے کی تلاش جاری ہے۔
فرانسیسی فضائیہ کے مطابق طیارہ منگل کی رات گرینچ معیاری وقت کے مطابق رات 9 بجے نینسی کے مضافات میں واقع ایئر بیس کے قریب گرا۔
فضائیہ کے ترجمان کرنل ڈیوڈ پاپالارڈو نے بتایا ہے کہ بظاہر عملے کا ایک رکن طیارے سے پیرا شوٹ کے ذریعے باہر نکلنے میں کامیاب نہیں ہو سکا۔